بەڕێوەبەرایەتی گشتی دژە تیرۆری کوردستان ئاشکرایکرد، دەنگۆی
دەستگیرکردنی تیرۆرستێک لەلایەن حکومەتی عێراقەوە لە هەولێر دوورە لە راستییەوە.
ئەمڕۆ هەینی، ٢٦ی شوباتی ٢٠٢١، بەڕێوەبەرایەتی گشتی دژە
تیرۆری کوردستان لە روونکردنەوەیکدا بڵاویکردەوە:" بڵاوبوونەوەی هەواڵی
دەستگیرکردنی تیرۆرستێک لەلایەن حکومەتی عێراقەوە لە هەولێر دوورە لە راستییەوە،
بەڵکو ئەو تیرۆرستە لەلایەن بەڕێوەبەرایەتییەکەمان دەستگیرکرا و بەهۆی ئەوەی
کردەوە تیرۆرستییەکەی لە بەغدا ئەنجامدابوو، رادەستی دەزگا ئەمنییەکانی ئەو پارێزگایە کرا.
ئاماژە بەوەشکراوە:"تیرۆرستەکە ناوی (بەشار
موستەفا)یە و لەلایەن دەزگا ئەمنییەکانی بەغداوە داواکراوبوو، لە رێکەوتنی ٩ی
کانوونی یەکەمی ٢٠٢٠یش لە شاری هەولێر لەلایەن بەڕێوەبەرایەتی گشتی دژە تیرۆری
کوردستانەوە دەستگیرکرا".