مستەفا کازمی رایگەیاند، داوا لە هێز و لایەنە
سیاسییەکان و بەتایبەت هەرێمی کوردستان دەکەین گفتوگۆیەکی نیشتیمانی و راستەقینە
ئەنجامبدەن.
ئەمڕۆ دووشەممە، ٨ی ئازاری ٢٠٢١، مستەفا کازمی، سەرۆک
وەزیرانی عێراق لە وتارێکدا رایگەیاند:" لە پێناو رێککەوتنی کۆتایی لەبارەی
پەیوەندییەکانی نێوان هەردوو حکومەتی ناوەند و هەرێمی کوردستان و چارەسەرکردنی
ریشەییانەی کێشەکان، داوا لە هەرێمی کوردستان دەکەم گفتوگۆیەکی نیشتیمانی و
راستەقینە ئەنجامبدەن".
سەرۆک وەزیرانی عێراق داواشیکرد سەرجەم لایەنەکان
دووربکەونەوە لە زمانی توندوتیژی و سەربکەون بەسەر ناکۆکییەکانیاندا.
هاوکات، لەبارەی پاپای ڤاتیکانەوە ئاماژەی بەوەکرد:"گەلی عێراق بەوپەڕی رێزەوە ماڵئاوایی لە قەداسەتی پاپا
کرد و پەیامی پاپا گەیشتە هەموو جیهان".