بەڕێوەبەری داتاسەنتەری سلێمانی رایگەیاند، هۆکاری زنجیرە بومەلەرزەکەی دوێنێی پێنجوێن ئەوەیە کە شارۆچکەکە نزیکە لە یەکێک لە پشتێنەکانی بومەلەرزەوە.
ئەمڕۆ چوارشەممە, ئاراس محەمەد بەڕێوەبەری داتا سەنتەری سلێمانی بە BMC راگەیاند:"ئێوارەی دوێنێ بومەلەرزەیەک بە پێوەری ٥.٤ پلەی رێکختەر، لە نزیک شارۆچکەی پێنجوێن روویدا و بەهۆی بەرزی رێکختەرەکەیەوە لە زۆرێک لە ناوچەکانی هەرێمی کوردستان هەستیپێکرا".
راشیگەیاند:" شارۆچکەی پێنجوێن نزیکە لە پشتێنەی تۆڕۆ-هیمالایا و سەرچاوەی بومەلەرزەکەی دوێنێ تەنیا ١٠ کیلۆمەتر لە شارۆچکەکەوە دوور بووە".
ئاماژەیبەوەشکرد:"دوا بەدوای یەکەمین بومەلەرزە کە لە کاتژمێر ٦:١٢ خولەکی سەر لە ئێوارە دوێنێ روویدا، زینجیرەیەک بومەلەرزەی تریش بە پێوەری رێکختەری جیاواز ناوچەکەی گرتەوە".