ئەمڕۆ لیژنەی باڵای رووبەڕووبوونەوەی کۆرۆنا کۆبووەوە و چەند بڕیارێکی نوێی بۆ کردنەوەی دەرگای ناوەندەکانی خوێندن و رێگرتن لە بڵاوبوونەوەی زیاتری ڤایرۆسەکە دەرکرد.
ئەمڕۆ یەکشەممە ١١ی نیسان، جوتیار حادل، وتەبێژی حکومەتی هەرێم رایگەیاند:" لە کۆبوونەوەی لیژنەی باڵای رووبەڕووبوونەوەی کۆرۆنادا بڕیاردراوە خوێندن لە ناوەندەکانی خوێندن بەشێوازی ئەلیکترۆنی بەردەوامبێت و دەرگای قوتابخانەکان نەکرێنەوە".
ئەوەشی راگەیاند:" هەرکەسێک پابەندی رینماییە تەندروستییەکان نەبێت و ماسک نەبەستێت رووبەڕووی یاسا دەکرێتەوە، هەموو کۆبوونەوە و دانانی پرسەیەکیش قەدەغەیە".