نرخی نەوتی خاو لە بازاڕەکانی جیهان لە بەرزترین ئاستی
ئەمساڵدایە و یەک بەرمیل نەوتی خاو بە سەروو 90 دۆلار مامەڵەی پێوەدەکرێت.
ماڵپەڕی "OILPRICE"ی تایبەت بە نرخی نەوت و سووتەمەنی بڵاویکردووەتەوە، نرخی
نەوتی خاوی برێنت لەبەرزیدایە و یەک بەرمیل نەوتی خاوی برێنت بە 90 دۆلار و 48
سەنت مامەڵەی پێوەدەکرێت.
ئەوەشی خستەڕوو، نرخی نەوتی خاوی ئەمەریکیش لە ئاستێکی
بەرزدا جێگیر بووە، بە جۆرێک کە یەک بەرمیل نەوتی خاوی ئەمەریکی بە 87 دۆلار و 39
سەنتە.
ئەمەش لەکاتێکدایە، پێشتر هەریەک لە سعودییە و روسیا
رێککەوتبوون لەسەر کەمکردنەوەی ئاستی بەرهەمهێنانی نەوت تاکو کۆتایی ئەمساڵ، بەوەش
ماوەی چەند رۆژێکە نرخی نەوتی خاو 90 دۆلاری تێپەڕاندووە.