نرخی نەوت لە بازاڕەکانی جیهان بەردەوامە لە بەرزبوونەوە و نرخی یەک بەرمیل
لە ٧٥ دۆلار نزیکبووەوە.
ئەمڕۆ چوارشەممە، ١٦ی حوزەیران، بۆ رۆژی پێنجەم لەسەریەک نرخی نەوت بۆ
بەرزترین ئاستی سێ ساڵی رابردووی بەرزبووەوە و نرخی یەک بەرمیل نەوتی خاوی "برێنت"
گەیشتە ٧٤ دۆلار و٦٨ سەنت ".
هاوکات، نرخی یەک بەرمیل نەوتی خاوی ئەمریکی "تەکساس"یش بە رێژەی
٠.٩٪ بەرزبووەوە و یەک بەرمیل نەوتی خاوی ئەمریکی بە ٧٢ دۆلار و ٧٨ سەنت مامەڵەی پێوەکرا ".
کەمبوونەوەی یەدەگی نەوتی ئەمریکا و زۆربوونی خواسی لەسەر سووتەمەنییەکان
بەهۆی کەمبوونەوەی کاریگەرییەکانی کۆرۆناوە هۆکاری سەرەکی بەرزبوونەوەی نرخی نەوتن
.