ئەندامێکی لیژنەی دارایی پەرلەمانی عێراق
راگەیاند، لەئەگەری بەرزبوونەوەی بەردەوامی نرخی نەوت، یاخود مانەوەی بەمشێوەیەی
ئێستا کورتهێنان لە بودجەی ٢٠٢١ی عێراق نامێنێت.
جەمال کۆچەر، ئەندامی لیژنەی دارایی
پەرلەمانی عێراق رایگەیاند:" لە بودجەی ٢٠٢١ی عێراقدا نرخی یەک بەرمیل نەوت
بە ٤٥ دۆلار دیاریکراوە، بەڵام خۆشبەختانە چەند مانگێکە نرخی نەوت لە بازاڕەکانی
جیهان بەرزبووەتەوە و لە سەرووی ٧٠ دۆلار مامەڵەی پێوەدەکرێت ".
"بە بەرزبوونەوەی بەردەوامی نرخی نەوت کورتهێنان لە بودجەدا نامێنێت"
ئاماژەی بەوەشکرد:" لەئەگەر بەرزبوونەوەی
بەردەوامی نرخی نەوت ئەو کورتهێنانە زۆرەی لە بودجەدا هەیە نامێنێت، لەبەر ئەوەی
لە هەر بەرمیلێک نەوت نزیکەی ٣٠ دۆلار دەمێنێتەوە ".