بەڕێوەبەرایەتی پۆلسی سلێمانی دەستگیرکردنی
کەسێکی بە تۆمەتی بریندارکردنی دوو هاوڵاتی راگەیاند.
دوای ئەوەی رووداوێکی تەقەکردن لە کۆمەڵگەی قەرەناو روویدا و بەهۆیەوە دوو بریندار بوون، دەستبەجێ تیمەکانی بنکەی پۆلیسی قەرەناو گەیشتنە شوێنی رووداوەکە
ئەمڕۆ چوارشەممە ١٥ی ئەیلول، بەڕێوەبەرایەتی
پۆلیسی سلێمانی رایگەیاند:" دوای ئەوەی رووداوێکی تەقەکردن لە کۆمەڵگەی
قەرەناو روویدا و بەهۆیەوە دوو کەس بریندار بوون، دەستبەجێ تیمەکانی بنکەی پۆلیسی
قەرەناو گەیشتنە شوێنی رووداوەکە و لێکۆڵینەوەیان بۆ دۆزینەوەی تۆمەتبارەکە
دەستپێکرد".
ئاماژەی بەوەشکرد:" هەمان شەوی رووداوەکە
توانرا تۆمەتبارەکە لەلایەن مەفرەزەکانی بنکەی پۆلیسی قەرەناو بەهاوکاری ئاسایشی
قەرەناو دەستگیر بکرێت".
تۆمەتبار (ش.ع.م) بە بڕیاری دادوەر و بەپێی ماددەکانی ٤٠٥ و ٣١ لەیاسای سزادانی عێراقی راگیراوە
باسی لەوەشکرد:" لە ئێستادا تۆمەتبار
(ش.ع.م) بە بڕیاری دادوەر و بەپێی ماددەکانی ٤٠٥ و ٣١ لەیاسای سزادانی عێراقی
راگیراوە و لێکۆڵینەوەکان لە رووداوەکە بەردەوامە".