بڵاوبوونەوەی گرتەیەکی ڤیدیۆیی ساتی رزگارکردنی کچێک لەدەستی براکەی و هاوڕێیەکی کە لەپێناو میراتی هەوڵی رووتکردنەوە و وێنەگرتنی دەدەن، کاردانەوەی زۆری بەدوای خۆێدا هێنا.

ماڵپەڕی "العربية" بڵاویکردەوە:" لە پاێزگای دەقهلییە لە میسڕ گەنجێک پاش مردنی دایک و باوکی بۆ ئەوەی خۆشکەکەی ناچار بکات بەوەی لە بەشی خۆی لە میراتی خۆش بێت، بەهاوکاری هاوڕێیەکی دیکەی و بەفێڵ خوشکەکەی خۆی دەباتە شوێنێکی چۆڵ و هەردوو دەستی دەبەستێتەوە و پاش رووتکردنەوەی وێنەشی دەگرێت ".

داواکەیانم رەتکردەوە و بەهۆیەوە رووتیانکردمەوە و وێنەیان گرتم 

ئیسرا سەعید کە کچە قوربانییەکەیە وتی:" برا بچووکەم داوای لێکردم بۆ ئەوەی مامەڵەی میراتییەکە رایی بکەین بەیەکەوە لەگەڵ هاوڕێیەکی خۆی سەردانی دادگا بکەین، دواتر لە رێگەدا بە ئۆتۆمبێل منیان بردە شوێنێکی چۆڵ و لەپڕدا ئۆتۆمبێلەکەیان راگرت و داوایان لێکردم ئیمزا بکەم و لەبەشەکەی خۆم خۆشبم، بەڵام داواکەیانم رەتکردەوە و بەهۆیەوە رووتیانکردمەوە و وێنەیان گرتم ".

بەگوێرەی ئەو ڤیدیۆیەی لە تۆڕەکۆمەڵایەتییەکان بڵاوبووەتەوە چەند هاوڵاتییەک لەکاتی رووداوەکەدا بەهانای کچەکەوە دەچن و رزگاری دەکەن.

ماڵپەڕی "العربية" ئاماژەی بەوەشکردووە:" برای ئەو کچەی کە خۆشکەکەی خۆی رفاند، توانرا لەلایەن هێزە ئەمنییەکانەوە دەستگیربکرێت ".