بەڕێوەبەرایەتی پۆلیسی هەڵەبجە دەستگیرکردنی کەسێکی بەتۆمەتی دزیکردنی
لە سێ ماڵ راگەیاند.
ئەمڕۆ چوارشەممە ١٣ی تشرینی یەکەم، بەڕێوەبەرایەتی پۆلیسی هەڵەبجە
رایگەیاند:" تیمەکانمان تۆمەتبارێکیان بەناوی (ا.م.ا) بە تۆمەتی دزیکردن لە
سێ ماڵ دەستگیرکرد".
ئاماژەی بەوەشکرد:" تۆمەتبارەکە تەمەنی ٢٥ ساڵە و بێکارە و
دانیشتووی گەڕەکی مۆردانە لە هەڵەبجە، دزییەکانیشی لەهەمان گەڕەک
ئەنجامداوە".
ناوبراو بڕێک پارە و مۆبایل و عەتری لە ماڵەکان دزیبوو، دوای دەستگیرکردنیشی لەبەردەم دادوەردا دانی بە تاوانەکەیدا ناوە
باسی لەوەشکرد:" ناوبراو بڕێک پارە و مۆبایل و عەتری لە ماڵەکان
دزیبوو، دوای دەستگیرکردنیشی لەبەردەم دادوەردا دانی بە تاوانەکەیدا ناوە و لە
ئێستادا بەپێی ماددەی ٤٤٣ لە یاسای سزادانی عێراق راگیراوە".