ئیدارەی کەناڵی کۆڕەک تیڤی بڵاویکردەوە، نزیکەی دوو هەفتەیە بەردەوام هێرشی
ئەلیکترۆنی دەکرێتەسەر کەناڵەکە و بەیانی ئەمڕۆ بۆ ماوەی یەک کاتژمێر لەلایەنێکی
نادیارەوە هاککرا.
ئەمڕۆ پێنجشەممە، ٢ی تشرینی دووەم، ئیدارەی کەناڵی "کۆڕەک
تیڤی" لە روونکردنەوەیەکدا ئاماژەی بەوەکردووە:" سیاسەتی کەناڵەکەمان
سیاسەتێکی کوردی و کوردستانی بووە، هیچ کاتێک دژی هیچ لایەن و وڵاتێک نەبووینە، تەنها کارمان خزمەتکردنی خەڵکی کوردستان و
هونەرەکەی بووە ".
هەندێک لایەن ترسیان لە هێزی هونەر و موسیقای کوردی هەیە
ئەوەشی خستەڕوو:" هەندێک لایەن ترسیان لە هێزی هونەر و موسیقای کوردی هەیە، بۆیە
نزیکی دوو هەفتەیە بە بەردەوام هێرشی ئەلیکترۆنی دەکرێتە سەرمان، بەداخەوە بەیانی ئەمڕۆ
بۆ ماوەی یەک کاتژمێر توانییان کەناڵەمان هاک بکەن ".