بەڕێوەبەرایەتی ئاسایشی سلێمانی وێنە و زانیاری لەبارەی هەردوو تۆمەتباری شەهیدکردنی نەقیب محەمەد لەتیف و بریندارکردنی سێ کارمەندی دیکەی بەڕێوەبەرایەتی توندوتیژی دژی ژنانی سلێمانی بڵاوکردەوە و داوا لە هاوڵاتییان دەکات هاوکاریان بن لە دۆزینەوەیان.
ئەمڕۆ سێشەممە، بەڕێوەبەرایەتی ئاسایشی سلێمانی
بڵاویکردەوە:" لە هەوڵدان بۆ دەستگیرکردنی هەردوو تۆمەتباری شەهیدکردنی نەقیب محەمەد لەتیف و بریندارکردنی سێ کارمەندی دیکەی بەڕێوەبەرایەتی توندوتیژی دژی ژنانی سلێمانی و هەر کەسێک زانیاری لەسەر هەردوو تۆمەتباری هەڵهاتوو (یوسف پشتیوان) و (پشتیوان علی) هەیە ئاگادارمان بکاتەوە ".
دەقی راگەیەندراوی ئاسایشی سلێمانی:
ئاگاداریەک لە بەڕێوەبەرایەتی
ئاسایشی پارێزگای سلێمانییەوە
هاوڵاتیان وهاونیشتمانیانی
بەڕێز داواکارین هاوکارمان بن لەپێدانی هەر زانیاریەک لەسەر هەردوو تۆمەتباری هەڵهاتوو (یوسف پشتیوان علی )و(پشتیوان علی مستەفا) و
ئوتومبیلی جۆری پیکاب نیسان تاک ژمارە ( 3638-سلێمانی ) هەردوو تۆمەتباران لەلایەن
دادگاوە داواکراون بەپێی ماددەی (٤٠٦) لەیاسای سزادان و تۆمەتبارن بەشەهیدکردنی ئەفسەرێکی
بەڕێوەبەرایەتی پۆلیسی توندوتیژی دژی ژنان و بریندارکردنی سێ کارمەندی تری هەمان
بەڕێوەبەرایەتی.
دڵنیاتان دەکەینەوە ناوتان
پارێزراو دەبێت و دەبنە جێگەی شانازی و دەست خۆشی و پاداشت لەلایەن بەرێوەبەرایەتی
ئاسایشی پارێزگای سلێمانی یەوە لە گەڵ ڕێزدا.
لەکاتی بوونی هەر
زانیاریەک تکایە پەیوەندی بکەن بەم ژمارانەی لای خوارەوە:
⁃( ١٠٦ )
⁃ ( ٣٢٣١٤٧٥)
⁃پەیوەندی لەدەرەوەی وڵات (٠٠٩٦٤٧٧٠٠٨٥٠٦٠٦)
بەرێوەبەرایەتی ئاسایشی پارێزگای سلێمانی