وتەبێژی ئاسایشی سلێمانی
رایگەیاند، ئەو دەنگۆیانەی باس لەوە دەکەن هێزیکی ئاسایش چووەتەسەر کۆمپانیای
تەڵەبات و داوای پارەی لێکردوون دوورن لە راستییەوە.
ئەمڕۆ دووشەممە، ٢٤ی کانوونی
دووەم، یاسین سەمیع، وتەبێژی بەڕێوەبەرایەتی ئاسایشی سلێمانی بە BMC راگەیاند:" رێککاری
یاسایی بەرامبەر ئەو کەس و لایەنانە دەگرنەبەر، کە لەچەند پەیجێکی تۆڕە
کۆمەڵایەتییەکان دەنگۆی هەڵکوتانەسەر کۆمپانیای تەڵەبات و داواکردنی پارەیان لەلایەن
هێزێکی ئاسایشی سلێمانییەوە لەو کۆمپانیایە بڵاوکردووەتەوە ".
کۆمپانیاکەش بە فەرمی ئەو دەنگۆیانەیان رەتکردووەتەوە
ئەوەشی
خستووەتەڕوو:" خودی کۆمپانیاکەش بە فەرمی ئەو دەنگۆیانەیان رەتکردووەتەوە و
ئەوانیش رێککاری یاسایی خۆیان لە دژی ئەو کەسانە دەگرنەبەر کە ئەو دەنگۆیانەیان
بڵاوکردووەتەوە ".
وتەبێژی ئاسایشی سلێمانی
باسی لەوەشکردووە:" لە ئێستا و رابردووشدا ئاسایشی سلێمانی بەردەوام لە هەوڵی
پاراستنی سەروماڵی هاوڵاتییان و بازرگانان بووە ".