کەمال کەرکوکی ئاماژەی بەوەکرد، پاساوەکانی ئێران بۆ هێرشکردنەسەر هەولێر بەبیانووی بوونی بنکەی ئیسرائیلی مایەی پێکەنینە و خۆشیان دەزانن راست نییە.

نازانین هۆكاری هێرشەکە چییە

کەمال کەرکوکی، ئەندامی مەکتەبی سیاسی پارتی بە "دەنگی ئەمەریکا"ی راگەیاندووە:" مووشەكبارانكردنی هەولێر كارێكی بێ بنەما و تاوانێكی زۆر گەورەبوو، لەبەر ئەوەی عێراق‌ و هەرێم لە شەڕدا نین لەگەڵ ئێران، ئێمە هۆكارەكەی نازانین، تەنها ئەوانەی موشەكەكانیان هاویشتووە دەزانن بۆ ئەو كارەیان كردووە، بەڵام ئەو شتانەی باسیدەكەن، بنەمای نییە و مایەی پێكەنینە ".

ئەوەشی خستووەتەڕوو:" ئەو بازرگانەی دراوە لەماڵەكەی، بازرگانێكی كوردی زیرەكە و مێشكێكی ئابوری باشی لە بواری نەوت و غازدا هەیە، ئەو پاساوەشی گوایە بنكەی ئیسرائیلی لە هەولێر هەبووە، خۆشیان دەزانن راست نییە ".