بریکاری پێشووی وەزارەتی دارایی حکومەتی عێراق
رایگەیاند، حکومەتی هەرێم بەهۆی چاکسازییەکانییەوە توانیویەتی پشت بەخۆی ببەستێت و
مانگانە مووچە بدات و پڕۆژەش ئەنجامبدات.
فازڵ نەبی، بریکاری پێشووی وەزارەتی دارایی
عێراق بە ماڵپەڕی فەرمی پارتی راگەیاندووە:"حکومەتی هەرێم ھەنگاوی گرنگی ناوە
لە بواری ئابووری ناوە و توانیویەتی بەچاکسازیکردن لەبواری نەوت و خاڵە
سنوورییەکان و داھاتی ناوخۆ لەجیاتی بەغدا پشت بەخۆی ببەستێت و مانگانە مووچە بدات
و پڕۆژەش ئەنجامبدات ".
ئەوەشی خستووەتەڕوو:" ئەوەی حکومەتی
ھەرێم کردوویەتی ھەنگاوێکی گرنگە و بەغدا ناتوانێت بەو جۆرە فشار لە ھەرێمی
کوردستان بکات ".
بریکاری پێشووی وەزارەتی دارایی عێراق باسی
لەوەشکردووە:" لە ھەموو جیھان لە سیاسەت و ئابووریدا گرنگترین خاڵ یەکخستنی
ناوماڵی خۆتە، بۆیە گرنگە پشت بەخۆت ببەستیت، کە بتوانی لەڕووی ئابوورییەوە
پێداچوونەوە بکەیت و بتوانیت ھەموو داھاتەکان کۆبکەیەوە و بۆ خەزێنەی دەوڵەت
بگەڕێتەوە ".