نوری مالیکی رایگەیاند، تاوەکو پەرلەمان دەست بە دانیشتنە ئاساییەکانی
خۆی نەکاتەوە هەڵناوەشیتەوە.
نوری مالیکی سەرۆکی هاوپەیمانی دەوڵەتی یاسا و یەکێک لە سەرکردەکانی
چوارچێوەی هەماهەنگی رایگەیاند:" عێراق وڵاتی هەموو پێکهاتەکانە و خەڵکەکەی
لە مەزهەب و نەتەوەی جیاواز پێکهاتوون، بۆیە ناتوانرێت هیچ تێڕوانینێک بەسەریدا
بەسپێنرێت تەنها ئیرادەی گەل نەبێت".
ئاماژەی بەوەشکرد:" تا ئەو کاتەی پەرلەمان دەست بە دانیشتنە
ئاساییەکانی خۆی نەکاتەوە، ئەو دامەزراوەیە هەڵناوەشێتەوە و هەڵبژاردنی پێشوەختەش
لە عێراقدا ئەنجامنادرێدا".
شایەنی باسە ماوەی چەند هەفتەیەکە لایەنگرانی سەدر رژاونەتە سەر
شەقامەکان و خۆپیشاندان ئەنجامدەدەن، هەروەها لە چوارچێوەی خۆپیشاندانەکانیشیاندا
خۆپیشاندەران دەستیانبەسەر هۆڵی بینای پەرلەماندا گرتووە و هاوکات، سەدر داوای
هەڵوەشاندنەوە پەرلەمان و ئەنجامدانی هەڵبژاردنی پێشوەختەی کردووە.