سەرۆک وەزیرانی کەنەدا رایگەیاند، بەهۆی کوژرانی کچە کوردێکی رۆژهەڵاتی
کوردستان، سزا بەسەر پۆلیسی رەوشت و چەندین کەسایەتی ئێرانی دەسەپێنن.
ئاژانسی هەواڵی "فرانس پرێس" لە زاری جاستن ترۆدۆ، سەرۆک
وەزیرانی کەنەدا بڵاویکردووەتەوە:" بەهۆی پێشێلکردنی مافی مرۆڤ و بەتایبەت
ژنان لەلایەن حکومەتی ئێران، سزا بەسەر دەیان کەسایەتی و دەزگای ئەو وڵاتە
دەسەپێنین ".
ئەوەشی خستووەتەڕوو" هەموو کەنەدییەکان دەنگیان لەگەڵ دەنگی ملیۆنان
کەسە لەسەرانسەری جیهان کە داوا لە حکومەتی ئێران دەکەن گوێ بۆ داواکارییەکانی
گەلەکەی بگرێت و سنوورێک بۆ ئەو پێشێلکارییانە دابنێت کە بەرامبەر مافی مرۆڤ و
ئازادی رادەربڕین دەکرێت ".
ئەمەش لەکاتێکدایە، لەماوەی چەند رۆژی رابردوودا کچێکی رۆژهەڵاتی ئێران
لەسەر جلوبەرگەکەی لەلایەن "پۆلیسی رەوشت" لە تاران راگیرا، دواتر لە
بنکەی پۆلیس گیانی لەدەستدا ".