بە نێوەندگیری وەزیری دەرەوەی ئەمەریکا،
ئازەربایجان رازیبووە بە ئازادکردنی ١٧ دیلی ئەریمینیا.
نیکۆل پاشینیان سەرۆک وەزیرانی ئەرمینیا لە
هەژماری تایبەتی خۆی لە تۆڕی کۆمەڵایەتی تویتەر رایگەیاند:" بە نێوەندگیری
ئەمەریکا، ئازەربایجان رازیبووە بە ئازادکردنی ١٧ دیلی ئەرمینیا".
ئاماژەی بەوەشکرد:" هەوڵەکانی ئەمەریکا
بۆ ئازادکردنی ١٧ دیلەکەی ئەرمینیا زۆر بەرز دەنرخێنم".
ئەمەش لەکاتێکدایە، دوێنێ سێشەممە ئەنتۆنی
بلینکن وەزیری دەرەوەی ئەمەریکا، پەیوەندییەکی تەلەفۆنی سێ لایەنەی لەگەڵ ئارارات
میرزۆیان وەزیری دەرەوەی ئەرمینیا و جیحۆن بایرامۆف وەزیری دەرەوەی ئازەربایجان
ئەنجامدا".
شایەنی باسەی رۆژانی ١٢ تا ١٤ی ئەیلول،
جارێکی دیکە شەڕ و پێکدادان لەنێوان هێزەکانی ئازەربایجان و ئەرمینیادا روویدا و
یەریڤان رایگەیاند، بەهۆی ئەو پێکدادانانەوە ١٣٥ سەربازیان لەدەستداوە و باکۆش
گیانلەدەستدانی ٧٩ سەربازی راگەیاند.
پێشتریش لە ٢٠٢٠ و ساڵانی ٩٠کان، ئەو دوو وڵاتە لەسەر ناوچەی قەرەباغ ناکۆکی کەوتووەتە
نێوانیان و لە ئەنجامدا شەڕ دروستبووە.