جێگری سەرۆکی هەرێم رایگەیاند، لەهەموو قۆناغە جیاجیاکانی ژیاندا ڕۆڵ و پێگەی ژنی کورد دیاربووە، هەر لە پەروەردەکردنی منداڵەوە تا خۆشەویستی بۆ خاک و وڵات

شێخ جەعفەر شێخ مستەفا، جێگری سەرۆکی هەرێم پەیامێکی بەبۆنەی ساڵیادی دامەزراندنی یەکێتیی ژنانی کوردستان بڵاوکردەوە و ئاماژەی بەوەکردووە:" یەکێتیی ژنانی کوردستان هەمیشە پێشەنگ بوونە بۆ دەرخستنی ئازایەتی فکرو بەرەوپێشچوونەکانی ژنان لە گشت بوارەکانی ژیان، ژنان هەمیشە سیمبولی ئازایەتی و بەرخودان بوونە، ڕۆڵ و خەباتی نەپساوەیان دەرخەری ئازایەتیی و بوێریان بووە ".

ئەوەشی خستووەتەڕوو:" رۆڵ و خەباتی نەپساوەی ژنان دەرخەری ئازایەتیی و بوێریان بووە ".

دەشڵێت:" هیواخوازم ڕێکخراوی یەکێتی ژنان لە کار و چالاکییەکانی بەردەوام بێت و زیاتر بوار بۆ ژنان بڕەخسێنێ تا لە مەیدانی بەرەو پێشبردنی کۆمەڵگە و پڕۆسەی سیاسیی بەشداری کارابن لە پێناو بە دەستهێنان و پاراستنی ماف و ئەرکەکانیان ".