بابەتە سەرەکیەکە: بەڕێوەبەری رێگاوبانی گەرمیان
رایگەیاند، قوباد تاڵەبانی لە یەکەم سەردانیدا رایگەیاند رێگەی مەرگ دەکات بە
ڕێگەی ژیان.
لێدوانی تایبەت: عەدنان خەلیل بەڕێوەبەری رێگاوبانی
گەرمیان بە BMC راگەیاند: پاش
یەکەمین سەردانی قوباد تاڵەبانی لە 15ـی 4ـی 2024 کە هات بۆ بینی پڕۆژەی رێگەی
کەلار – دەربەندیخان رێژەی لە %70ـی پڕۆژەکە تەواوکرابوو.
ئەمەشی وت: قوباد تاڵەبانی فەرمانی بە لایەنی
پەیوەندیدار کرد کە شایستە داراییەکانی بەڵێندەران ئەگەر بەڕێژەیەکی کەمیش بێت
تەرخانبکرێت تاوەکو بەردەوامی بدرێت بە تەواوکردنی پڕۆژەکە، هەروەها رایگەیاند، کە رێگەی مەرگ دەگۆڕێت بۆ رێگەی ژیان.
زیاتر: لە ئێستاشدا پڕۆژەکە بە ڕێژەی لە %95 رێگاکە تەواوبووە و ئەو
بەشانەی کە تەواو بوون خراونەتە خزمەتی هاوڵاتیانەوە، ئەوەشی کە ماوە رێژەیەکی
کەمەو بەم نزیکانە تەواو دەکرێت.