دیدێ درۆگبا یاریزانی پێشووی یانەی چێڵسی ئینگلیزی ئەو دەنگۆیانە رەتدەکاتەوە کە باس لەوەدەکەن بووەتە موسڵمان.

دوای ئەوەی وێنەیەکی دیدێ درۆگبا ئەستێرەی تۆپی پێی کۆت دیڤوار لە تۆڕەکۆمەڵایەتییەکان بڵاوبووەوە و تێیدا دەردەکەوێت نزا دەکات، دەنگۆی ئەوە بڵاوبووەوە کە ئەو یاریزانە بووەتە موسڵمان، بەڵام ئەو لە تویتێکیدا باسی لەوەکردووە:" ئەو وێنەیە تەنها بۆ رێزگرتن بوو لە هاوڕێ موسڵمانەکانم لەکاتی سەردانیکردنیان، رێز و خۆشەویستیم بۆ هەمووان هەیە ".

درۆگبای تەمەن ٤٤ ساڵ لە چەندین یانەی ئەوروپی یاری کردووە، دیاریترینیان یانەی چێڵسی ئینگلیزییە، کە ١٦ نازناوی لەگەڵیدا بەدەستهێناوە، چواریان خولی ئینگلیزی و یەکێکیش خولی پاڵەوانانی ئەوروپا بووە.