دەستەی گومرگی میسڕ بەتۆمەتی هەڵگرتنی ماددەی هۆشبەر دەستگیرکردنی خانمە
هونەرمەند مونا شەلەبی راگەیاند.
دەستەی گومرگی میسڕ بڵاویکردووەتەوە:" خانمە هونەرمەند مونا شەلەبی
لەکاتی گەڕانەوەی لە ئەمەریکاوە بۆ میسڕ و لە ناو فڕۆکەخانەی قاهیرە دەستگیرکراوە،
لەبەر ئەوەی لە پشکنینەکاندا دەرکەوتووە کە بڕێک ماددەی هۆشبەری پێ بووە ".
ئەوەشی خستووەتەڕوو:" ئەو خانمە هونەرمەندە چەند جۆرێک ماددەی هۆشبەری
پێ بووە و لە ناو جانتاکەی و لە نێوان جلوبەرگەکانی شاردبوویەوە ".
دەستەی گومرگی میسڕ باسی لەوەشکردووە:" تۆمەتبارەکە رادەستی لایەنە
پەیوەندیدارەکان کراوە بۆ ئەوەی رێککاری یاسایی بەرامبەر بگیرێتەبەر ".