رێکخراوی مافی مرۆڤی ئێران ئاشکرایکرد، تەنها لە مانگی یەکەمی ئەمساڵدا ٥٥ کەس سزای لەسێدارەدانیان بەسەردا جێبەجێکراوە.
رێکخراوی مافی مرۆڤی ئێران کە بارەگای سەرەکیی لە نەرویجە رایگەیاند:" تەنها لە مانگی یەکەمی ئەمساڵدا، حکومەتی ئێران سزای لەسێدارەدانی ٥٥ کەسی جێبەجێکردووە".
ئاماژەی بەوەشکرد:" ئامانجی ئەم کارەی دەسەڵاتدارانی ئێران دروستکردنی ترسە لە دڵی هاوڵاتییانی وڵاتەکەی، لەکۆی ئەو ٥٥ کەسەش چواریان بەهۆی پەیوەندییان بە ناڕەزایەتی و خۆپیشاندانەکان لەسێدارە دراون".
باسیلەوەشکرد:" لە ئێستادا بە لایەنی کەمەوە ١٠٧ کەس کە لەلایەن دەسەڵاتدارانی ئێرانەوە دەستگیرکراون، بەهۆی خۆپیشاندانەکانی وڵاتەکەوە مەترسی ئەوەیان لەسەرە لەسێدارە بدرێن".