هەردوو مەکتەبی سیاسی یەکێتی نیشتمانی و پارتی دیموکرات
راگەیەندراوێکی هاوبەشیان لەبارەی کۆبوونەوەکەی ئەمڕۆیانەوە بڵاوکردەوە.
دوابەدوای کۆبوونەوەکەی ئەمڕۆیان، هەردوو مەکتەبی سیاسی
یەکێتی نیشتمانی و پارتی دیموکراتی کوردستان لە راگەیەندراوێکی هاوبەشدا
رایانگەیاند:" بەمەبەستی گفتوگۆکردنی راشکاوانە لەسەر کۆی ئەو بابەتانەی پەیوەستن بە
دۆخی سیاسی هەرێمی کوردستان و ئاڵوگۆڕی بۆچوون و هەڵوێستەکان لەسەر چەندین بابەتی
هەنووکەیی، شاندی باڵای هەردوو مەکتەبی سیاسی پارتی دیموکراتی کوردستان و یەکێتیی
نیشتمانیی کوردستان لەبارەگای مەکتەبی سیاسی یەکێتی لە سلێمانی کۆبوونەوە".
ئاماژەیان
بەوەشکرد:" بارودۆخی گشتی و هاوکێشە ناوخۆیی و ناوچەییەکان و راوسەرنج و
تێبینی هەردوولا لەسەر بابەتە جیاجیاکانی پەیوەست بە رێککەوتنی پێشووتری هەردوولا
خرانەڕوو".
باسیانلەوەشکرد:"
لەکۆتاییدا هەردوولا رێککەوتن لەدەرفەتێکی نزیکدا کۆبوونەوەی دیکەی هەردووشاند
ئەنجامبدرێت".