سەرۆککۆماری تورکیا رایگەیاند، لە دوای سوتاندنی قورئانی پیرۆز لە سوید،
بەرپرسانی ئەو وڵاتە چاوەڕوانی ئەوە نەبن ئەندامبوونیان لە ناتۆ قبوڵ بکەن.
رەجەب تەیب ئەردۆغان، سەرۆککۆماری تورکیا باسی لەوەکردووە:" لە
ئایندەدا پەیامێکی جیاواز بۆ فینلەندا دەنێرین، کە ئەو پەیامە بەرپرسانی سوید شۆک
دەکات ".
ئەوەشی خستووەتەڕوو:" چیدیکە بەرپرسانی سوید چاوەڕوانی ئەوە نەبن
ئەندامبوونیان لە هاوپەیمانی ناتۆ قبوڵ بکەین ".
ئەمەش لەکاتێکدایە، هەفتەی رابردوو کەسێکی رەگەزپەرستی سویدی-دانیمارکی لە
نزیک باڵیۆزخانەی تورکیا لە سوید قورئانێکی پیرۆزی سوتاند، ئەوەی بەرپرسانی
تورکیای توڕەکرد و هەرەشەی رەتکردنەوەی ئەندامبوونی سوید لە هاوپەیمانی ناتۆ
دەکەن.