وەزارەتی ناوخۆ ئاشکرایکرد، لە سیستەمی نوێی کامێرای هاتوچۆدا، سیستەمەکە بەکارهێنانی مۆبایل و نەبەستنی پشتێنی سەلامەتی بە سزا هەژماردەکات.
وەزارەتی ناوخۆ لە راگەیەندراوێکدا بڵاویکردووەتەوە:" لە سیستەمی نوێی کامێرانی هاتوچۆدا هەر شۆفێرێك لەكاتی لێخوڕینی ئۆتۆمبێل مۆبایل بەكاربهێنێت و پشتێنی سەلامەتی نەبەستێت سزا دەدرێت".
ئەوەشی خستووەتەڕوو:" لە سیستەمی نوێی کامێرای هاتوچۆدا سەرپێچی بەکارهێنانی مۆبایل و نەبەستنی پشتێنی سەلامەتی لە کاتی شۆفێریکردندا بە سەرپێچی هەژماردەکرێت".
وەزارەتی ناوخۆ دەشڵێت:" ئەو بڕیارە تەنیا ئەو شوێنانە دەگرێتەوە، کە سیستەمی نوێی کامێرای هاتوچۆی تێدا داندراوە و تاوەکو ئێستاش ئەو سیستەمە بەس لە شەقامی ١٢٠ شاری هەولێر کاراکراوە".