عەدنان قەیسی پاڵەوانی بەناوبانگی زۆرانبازی عێراقیی لە تەمەنی ٨٦ ساڵیدا
بەهۆی نەخۆشییەوە کۆچی دواییکرد.
پێگەی شەفەق نیوز لە زاری کەسوکاری عەدنان قەیسییەوە بڵاویکردەوە:"
پاڵەوانی زۆرانبازی عێراق عەدنان قەیسی، لە تەمەنی ٨٦ ساڵیدا کۆچی دواییکرد".
ئاماژەی بەوەشکرد:" بەگوێرەی زانیارییەکان، هۆکاری گیانلەدەستدانی ناوبراو
دەگەڕێتەوە بۆ نەخۆشی کە ماوەیەکە ململانێی لەگەڵدا دەکات و لەکۆتاییدا، شەوی
رابردوو لە یەکێک لە نەخۆشخانەکانی بەغدا کۆچی دواییکردووە".
عەدنان عەبدولکەریم ئەلقەیسی ناسراو بە عەدنان قەیسی، لە ١ی ئاداری ١٩٣٩
لەدایکبووە، لە چەندین پاڵەوانێتی تایبەت بە زۆرانبازی بەشداریکردووە و نازناوی
بێلی وایت وۆڵفی لەلایەن هەوادارەکانییەوە پێدراوە.
عەدنان ساڵانێک لە ویلایەتە یەکگرتووەکانی ئەمەریکا نیشتەجێبووە و مافی
مانەوەی لەو وڵاتە پێدراوە، بەڵام لە ساڵی ١٩٦٩ لەسەر داوای ئەحمەد حەسەن بەکر و
سەدام حسێن گەڕاوەتەوە بۆ عێراق.