شارەزایەکی کەشناسی پێشبینی دەکات درەنگانی شەوی سبەی سێشەممە، کاریگەرییەکانی ئەم شەپۆلی بارانبارینەی رووی لە هەرێمی کوردستان کردووە کۆتایی پێبێت و کەشوهەوا سەقامگیر بێت.

ئاراس جه‌بار شاره‌زای بواری كه‌شناسی لە راگەیەندراوێکدا ئاماژەی بەوەکرد:" به‌هۆی هاتنی بارسته‌ هه‌وایه‌كی سارده‌وه‌ ئەمڕۆ له ‌كاته‌كانی ئێواره‌وه‌ پله‌كانی گه‌رما به‌شێوەیەکی به‌رچاو نزم دەبنەوە، بە تایبەت له ‌ناوچه‌ شاخاویه‌كاندا، ئه‌گه‌ری به‌فربارینیش له‌سه‌نته‌ری حاجی ئۆمه‌ران و  ناوچه‌ سنورییه‌كان هه‌یه‌ ".

لەبارەی کەشوهەوای سبەی سێشەممە، باسی لەوەکرد:" بارانی مامناوه‌ند و پچر پچر له‌سه‌ر زۆربه‌ی ناوچه‌كان تاکو كاته‌كانی نیوه‌ڕۆ و له‌ناوچه‌ شاخاویه‌كانیشدا تاکو كاته‌كانی ئێواره‌ به‌رده‌وامی ده‌بێت، لە شەویشدا كۆتایی پێدێت و كه‌شوهه‌وا سه‌قامگیر ده‌بێته‌وه‌ ".

ئەمەش لەکاتێکدایە، لە ئێوارەی شەوی رابردووەوە شەپۆلێکی چڕی بارانبارین رووی لە هەرێمی کوردستان کردووە و بەهۆی لە چەند شوێنێکی پارێزگای هەولێر لافاو دروستبووە، کە لەئەنجامیدا کەسێک لە قەزای مەخمور گیانی لەدەستداوە.