بابەتە سەرەکییەکە: یەکێتی مامۆستایانی کوردستان راگەیەندراوێکی لەبارەی گرتە ڤیدیۆیەکەوە بڵاوکردەوە.

راگەیەندراوی فەرمی: یەکێتی مامۆستایانی کوردستان ئاماژە بەوەدەکات: لەم رۆژانەدا ڤیدیۆی کۆبوونەوەیەک بڵاوبووەتەوە و تیایدا بەرپرسێکی یەکێتییەکەمان هانی خوێندکاران دەدات لەناو ناوەندەکانی خوێندن رووبەڕووی چەند کەسێک ببنەوە ئەگەر هات و سوکایەتییان بە حزبەکەی کرد.

چی تر: لە گرتەکەدا بەرپرسەکە دەڵێت، ئەگەر بەڕێوەبەر یان مامۆستا یان هەر کەسێکی تر بێت، هەمان کاردانەوەتان هەبێت.

زیاتر: بەڕاستی ئەوە پێشینیەکی زۆر مەترسیدارە و لێکەوتەی زۆر خراپی دەبێت، نەک تەنها لەسەر پەروەردە و مامۆستایان، بەڵکو لەسەر کۆی کۆمەڵگا.

بۆچی: چونکە ئەوەی پەنجە لە مامۆستایان هەڵشەقێنێ، دەکاتە پەنجە هەڵشەقاندن لە کۆی کۆمەڵانی خەڵک.

هەڵوێست: وەک لیستی سەوزی یەکێتی مامۆستایان بە توندرین شێوە ئیدانەی ئەو لێدوانە دەکەین، چونکە ئەوە سەرەتایەکی زۆر خراپە و سەردەکێشێ بۆ لێکەوتەی زۆر خراپتر.
ئەمەش هەیە: داواکارین لە لایەنە پەیوەندیدارەکان بە تایبەتی داواکاری گشتی، بەدواداچوون بکەن و راستییەکان دەربخەن و بە یاسا سنوورێک بۆ ئەو هەڵسوکەوتە زۆر نەرێنیانە دابنێن و سزاشیان بدەن.