لە گوندێکی سنووری پارێزگای دهۆک چەند هاوڵاتییەک لەسەر زەویوزار بووەتە شەڕیان و لە ئەنجامدا هاوڵاتییەک کوژراوە.
هێمن سولەیمان وتەبێژی پۆلیسی دهۆک رایگەیاند:" بەیانی ئەمڕۆ دووشەممەممە، گوندێکی سنووری ناحیەی مانگیشکی سەر بە دهۆک، شەڕ لەنێوان چەند هاوڵاتییەکدا دروستبوو، بەوهۆیەشەوە هاوڵاتییەکی تەمەن 40 ساڵ کوژرا".
ئاماژەی بەوەشکرد:" جگە لەو هاوڵاتییەی کوژراوە، دوو کەسی دیکەش بریندار بوون، دوابەدوای ئاگادارکردنەوەشیان هێزەکانمان گەیشتوونەتە شوێنی رووداوەکە و لێکۆڵینەوەکانیش لەوبارەیەوە دەستیپێکردووە".
باسی لەوەشکرد:" شەڕەکە بەهۆی کێشەی زەویوزارەوە دروستبووە و بەگوێرەی زانیارییەکان، بکوژەکە بریندارە و لە ئێستادا بۆ شوێنێکی نادیار هەڵاتووە، هەروەها ناو و ناسنامەی دیارە و فەرمانی دەستگیرکردنیشی بۆ دەرچووە".