وادەی ناردنی 618 ملیارەكە ئاشكرا كرا

کوردستان پێش 1 هەفتە

Alternate Text

كەمێك بەر لە ئێستا دەربارەی ناردنی 618 ملیارەكەی حكومەتی عێراق بۆ موچەی موچەخۆرانی هەرێم ئەندامێكی ئەنجومەنی نوێنەران زانیاری نوێی ئاشكراكرد.

 دكتۆرە نەرمین مەعروف، ئەندامی ئەنجومەنی نوێنەرانی عێراق لە لێدوانێكدا رایگەیاند:" بەشێوەیەكی گشتی ئەو ئەندامانەی ئەنجومەنی نوێنەران كە بەشێوازێك لە شێوازەكان لەگەڵ هەمواری بودجە دەیانەوێت كێشە بۆ بەشە بودجەی هەرێم و شایستە داراییەكانی دیكە دروست بكەن دیارن، بەڵام ئەمانە دەنگی راستەقینەی حكومەتی عێراق و تەواوی لایەنە سیاسییەكانی نییە".

ئاماژەی بەوەشكردووە:" تا كۆتایی ئەم مانگە بەشێوەیەكی گشتی چاوەڕاواندەكرێت كارەكانی هەمواری بودجە كۆتایی پێبێت و پاشان بێتە پەرلەمان و كۆتا رێكارەكانی لەگەڵدا بگیرێتەبەر و هەموار بكرێتەوە".

جەختی لەوەشكردەوە:" تا كۆتایی مانگ ئەو بڕە پارەیەی بۆ موچەی موچەخۆران دیاریكراوە دەگات هەرێمی كوردستان و تا هەماواری یاسای بودجەش ناردنی بڕە پارەكەی هەرێم بەردەوامی دەبێت".

ئه‌مانه‌ش ببینه

‌‌مەڵتیمیدیا