ئەمریکا پڕۆژە بڕیاری راگەیاندنی ئاگربەستی لە غەززە پێشکەش بە ئەنجومەنی
ئاسایشی نێودەوڵەتی کرد، بەڵام بەهۆی ڤیتۆی چین و روسیاوە پڕۆژە بڕیارەکە پەسەند نەکرا.
ئەمڕۆ هەینی، ئەنجوومەنی
ئاسایشی نەتەوە یەکگرتووەکان لەبارەی ئاگربەستی غەززە کۆبووەوە و ڤاسێلی
نێبێنزیا، باڵیۆزی روسیا لە نەتەوە یەکگرتووەکان لەبارەی هۆکاری ڤیتۆکردنی پڕۆژە
بڕیارەکە وتی، " ئەگەر پڕۆژەکە پەسەند بکرێت، ئیسرائیل سەرپشک و ئازاد دەبێت
لە بەردەوامبوون لە شەڕەنگێزییەکانی دژی فەلەستینییەکان ".
هاوکات، لیندا
تۆماس گرینفیڵد، باڵیۆزی ئەمریکا لە نەتەوە یەکگرتووەکان رایگەیاند، روسیا و چین
هیچ هەنگاوێکی دیپلۆماسی نانێن کە پێشکەوتن لە بەرقەراربوونی ئاشتی لە ناوچەکە هەبێت ".
وتیشی:" ڤیتۆکەی
رووسیا و چین نەوەک هەر بێ رێزییە، بەڵکو پڕوپووچە ".