فەرماندەیی ناوەندیی هێزەكانی ئەمریكا زانیاری دەربارەی بەئامانجگرتنی دوو كەشتی گوێزەرەوەی سوتەمەنی و بەرپەرچدانەوەی چەند هێرشێكی حوسییەكانی یەمەن، بڵاوكردەوە.
فەرماندەیی ناوەندیی هێزەكانی ئەمریكا (سێنتكۆم) لە راگەیەندراوێكدا بڵاویكردەوە:" ئەنساڕوڵا بە چوار موشەك (هاژەك)ی بالیستی دژە كەشتیی ئاڕاستەی كەشتی نەوتهەڵگری پەنەما (M/V Huang Pu)، كە لەلایان چیین-ەوە خاوەندارێتی دەكرێت و بەڕێوەدەبرێت، كرد".
ئاماژەی بەوەشكردووە:" درەنگانی شەوی رابردووش بەهەمان شێوە لە رێگای موشەكێك (هاژەك)ی بالستییەوە، كەشتیی هوانگ پو كرایە ئامانج، بەڵام كەشتییەكە زیانێكی كەمی بەركەوت و هیچ دەریاوانێكی سەر كەشتییەكەش بریندار نەبوون".
باسی لەوەشكردووە:" لەماوەی سێ كاتژمێر و نیودا هێزەكانی ئەمریكا و كەشتی هێرشبەری (USS Carney)، بەرپەرچی شەش فڕۆكەی بێفڕۆكەوانی حوسییەكانی یەمەنیان دایەوە و چەند ئامانجێكی ئەنساڕوڵاش كرانە ئامانج".