بەهای دۆلاری ئەمەریکی بەرامبەر بە دیناری عێراقی بەردەوامە لە دابەزین و ئێوارەی ئەمڕۆ بەهاکەی زیاتر دابەزی.

کەمێک بەر لە ئێستا لە بازاڕی دۆلارەکەی شاری سلێمانی بەهای 100 دۆلار بۆ 146 هەزار و 800 دیناری عێراقی دابەزی، بەوەش بەراورد بە کاتی کردنەوەی بازاڕەکە نزیکەی هەزار دینار لە بەهاکەی دابەزیوە.

ئەمەش لەکاتێکدایە، ئەمڕۆ بانکی ناوەندی عێراق بڕی 257 ملیۆن و 591 هەزار و 195 دۆلاری خستە بازاڕەوە، لەو بڕەش 13 ملیۆن و 190 هەزار دۆلاری بەشێوەی کاش بووە.