کۆمەڵی دادگەری رایگەیاند، جەخت لە بەڕێوەچوونی هەڵبژاردنی
پەرلەمانی کوردستان دەکاتەوە لەو کاتەی کە دیاریکراوە و دژی هەر جۆرە هەوڵ و
هەنگاو و نیازێکن بۆ دواخستنی.
ئەنجومەنی باڵای
کۆمەڵی دادگەریی کوردستان لە راگەیەندراوێکدا ئاماژەی بەوەکرد:" پێمانوایە
دواخستنی هەڵبژاردن هەرێمی کوردستان دەخاتە بەردەم مەترسیی و ئەگەری هەیە ئەوەشی
ماوە لەدەستی بدەین ".
لەبارەی ئاڵۆزییەکانی
رۆژهەڵاتی ناوەڕاست باسی لەوەکرد:" کۆمەڵی
دادگەریی دەخوازێت کە هەرێمی کوردستان و خەڵکەکەی، پارێزراو و دوربێت لە
دەرهاویشتە و دەرەنجامەکانی ئەو بارودۆخە نوێیە ناوچەکەی تێکەوتووە ".
ئەوەشی
خستەڕوو:" ئەرکی دەسەڵاتدارانی هەرێمە، بەرپرسیارانە مامەڵە و رەفتاربکەن و،
کارێک نەکەن کە خەڵکی هەرێمی کوردستان بخەنە دۆخێکەوە کە دەرەنجامی نەخوازراوی لێ
بکەوێتەوە کە دواتر چارەسەری ئەستەم بێت !".
لە
راگەیەندراوەکەدا ئەوەش هاتووە:" پشتیوانیی لە جێبەجێکردنی بڕیارەکانی دادگای
فیدراڵیی بۆ چارەسەر و کۆتاییهێنان بە کێشە و قەیرانی چەندین ساڵەی موچەی
فەرمانبەران و موچەخۆرانی هەرێمی کوردستان ".