پارێزگاری هەولێر ئاشکرایکرد، بەهۆی شەڕەتەقەکەی دوێنێوە
کە تیایدا سێ کەس کوژران، چەند کەسێک دەستگیرکراون.
ئومێد خۆشناو پارێزگاری هەولێر لە کۆنگرەیەکی
رۆژنامەوانیدا رایگەیاند:" شەڕەتەقەکەی دوێنێی گەڕەکی هەولێری نوێ بەهۆی
کێشەیەکی زەویوزارەوە بووە".
پێشتر زەوییەک دراوە بە وەبەرهێنەرێک و پاشان لێی وەرگیراوەتەوە
ئاماژەی بەوەشکرد:" کێشەکە ئەوە بووە کە پێشتر
زەوییەک دراوە بە وەبەرهێنەرێک و پاشان لێی وەرگیراوەتەوە و دراوە بە وەبەرهێنەرێکی
دیکە، هەروەها مێژووی کێشەکە بۆ 10 ساڵ پێش ئێستا دەگەڕێتەوە".
رێوشوێنی پێویست گیراوەتەبەر
باسی لەوەشکرد:" چەند کەسێک بەهۆی رووداوەکەوە
دەستگیرکراون و بە مەبەستی رێگریکردن لە تەشەنەکردنی زیاتری کێشەکە، رێوشوێنی پێویست
گیراوەتەبەر".
ئێوارەی دوێنێ لە گەڕەکی هەولێری نوێ شەڕەتەقە لەنێوان
چەند کەسێکدا روویدا و بەوهۆیەشەوە سێ کەس کوژران و چەند کەسێکی دیکەش بریندار
بوون.