بابەتە سەرەکییەکە: نرخی ئەمپێری مۆلیدە بۆ مانگی ئەیلول
ئاشکرا کرا.
کێ وتی: عوسمان
محەمەد سەرۆکی کۆمەڵەی مۆلیدە ئەهلییەکانی سلێمانی رایگەیاند: هەموو مانگێک سەبارەت
بە نرخی ئەمپێری مۆلیدە لیژنە پەیوەندیدارەکان لە قائیمقامیەت کۆدەبنەوە.
زیاتر: هێشتا ئەو
کۆبوونەوەیە نەکراوە، بەڵام بەپێی کاتژمێرەکانی کارکردن پێدەچێت نرخی ئەمپێری مۆلیدە
بۆ مانگی ئەیلول لە دەوروبەری 12 هەزار دیناردا بێت.
ئەمەش هەیە: هەموو ساڵێک لە 1ی تشرینی یەکەمەوە
گۆڕانکاری بەسەر خشتەکانی کارکردنی مۆلیدە ئەهلییەکاندا دێت، بەڵام ئەمساڵ ئەو
گۆڕانکارییە دەکەوێتە 15ی تشرینی یەکەمەوە.
هاوکات: هەوڵ دەدرێت بەرنامەیەک دابنرێت کە جیاواز لە ساڵانی
رابردوو، خشتەی کارکردنی مۆلیدە ئەهلییەکان لەسەرجەم ناوچەکان وەکو یەک بێت.