بابەتە سەرەکییەکە:
لەسەر زانیاری بەڕێوەبەرایەتی ئاسایشی سلێمانی، لیژنە هاوبەشەکانی قائیمقامیەتی
سلێمانی دەستی بەسەر 335 کیلۆگرام گۆشتی هیندیدا گرت.
راگەیەندراوی فەرمی:
قائیمقامیەتی سلێمانی بڵاویکردەوە: ئەو بڕە گۆشتە لە ماڵێکدا لە گەڕەکی ئاشتی
دەستیبەسەردا گیراوە و خاوەنەکەی بەنیاز بووە لە بازاڕەکاندا ساغی بکاتەوە.
ئەمەش هەیە: بڕی 275
کیلۆگرام لەو گۆشتە کراوە بە قیمە و ئامادەکرابوو بۆ ئەوەی بەشێوەی گۆشتی فرێش بە
هاوڵاتییان بفرۆشرێت، 60 کیلۆگرامەکەی دیکەشی بۆ ئەوە ئامادەکرابوو بۆ ئەوەی
بەشێوەی گۆشتی ساغ بفرۆشرێت.
چی تر: ئاسایشی سلێمانی
لێکۆڵینەوەکانی لەوبارەیەوە بەردەوامە و گۆشتە دەستبەسەردا گیراوەکەش لەناودەبرێت.