بابەتە سەرەکیەکە: سەرۆکی شارەوانی سلێمانی سەبارەت بە پڕۆسەی دابەشکردنی زەوی رایگەیاند، پڕۆسەی دابەشکردنی زەوی بەردەوامە و بە گوێرەی ناوە گەڕاوەکان کاری لەسەردەکەین.

لێدوانی تایبەت: لەیلا عومەر سەرۆکی شارەوانی سلێمانی بە BMC راگەیاند: تاوەکو ئێستا پڕۆسەی دابەشکردنی زەوی بەردەوامە و بەگوێرەی ناوە گەڕاوەکان کاری لەسەر دەکرێت و ئەو ناوانەش کە ماون رەوانەی وردبینی کراون و تاوەکو ئێستا نەگەڕاونەتەوە.

ئەمەشی وت: تا ئێستا نزیکەی هەزار و 800 پارچە زەوی دابەشکراوە و زەوی ئامادەیە و لەگەڵ گەڕانەوەی ناوەکان ئەوانەش دابەشدەکرێن.

زیاتر: ساڵی رابردوو و ئەمساڵیش زەوی بەسەر کەسوکاری شەهیدان وجینۆساید و زیندانیانی سیاسی دابەشکراوە، ئاگاداری بەڕێوەبەرایەتی پەیوەندیدارمان کردووە چ ناوێک لە سنووری سلێمانی ماوە بۆمان بنێرن و ئامادەکاری بکەین بۆ دابەشکردنی زەوی بەسەریاندا.