بابەتە
سەرەکییەکە: مەسرور بارزانی، سەرۆکی حکومەتی هەرێمی کوردستان لە پەیامێکدا بە بۆنەی
هەشتی مارس، پیرۆزبایی ڕۆژی جیهانیی ژنان، لە سەرجەم ژنانی کوردستان و جیهان دەکات.
لێدوانی فەرمی:
مەسرور بارزانی سەرۆک وەزیرانی حکومەتی هەرێمی کوردستان رایگەیاند،''ڕێز و پێزانینی
زۆرمان بۆ خەبات و تێکۆشان و ڕۆڵی دیاری ئافرەتانی کوردستان لە مێژووی گەلی
کوردستاندا هەیە، کە هەمیشە نموونەی نیشتمانپەروەری و ئازایەتی و گیانفیدایی و
قوربانیدان بوون.''
ئەوەشی وت: ''جێی
خۆشحاڵییە ئەمڕۆ ئافرەتان لە هەرێمی کوردستان، ڕۆڵێکی بەرچاو و کارایان لە دامەزراوەکانی
هەرێمی کوردستاندا هەیە و پابەندیشین بە زیاتر ڕەخساندنی دەرفەتی یەکسان لە بەردەم
ئافرەتانی کوردستان و بەرزکردنەوەی ڕێژە و ئاستی بەشدارییان لە بوارە جۆراوجۆرەکانی
بەڕێوەبردن، هەروەها ڕووبەڕووبوونەوەی هەموو جۆرە توندوتیژی و جیاکارییەک لە دژی
ئافرەتان.''