بابەتە سەرەکییەکە: سبەی شەپۆلێکی باران بارین رودەکاتە ناوچە جیاوازەکانی هەرێم.

کێ وتی: ئاراس جەبار شارەزای کەشناسی رایگەیاند: سبەی هەینی لە کاتەکانی بەیانییەوە قۆناغی ناجێگیری کەش کە سەرچاوەکەی نزمە پاڵەپەستۆی دەریای سورە لە ناوچەکانی باشور و رۆژئاوای عێراقەوە دەستپێدەکات و بۆ کاتەکانی ئێوارە دەگاتە زۆربەی ناوچەکانی عێراق و سنوری ئیدارەی گەرمیان.

دواتر: لە کاتەکانی شەودا کاریگەرییەکانی شەپۆلەکە بەهێز دەبێت و بارانی بەخوڕ و تەرزە و چالاکبونی هەورە بروسکەی توند و چالاکبونی بای باشوری رۆژهەڵات بە خێرایی 15 بۆ 40 کیلۆمەتر لە کاتژمێرێکدا زۆربەی ناوچەکانی عێراق و ئیداەی گەرمیان دەگرێتەوە.

هاوکات: ئەگەری دروستبونی لافاو لە رۆژهەڵات و ناوەڕاستی عێراق و ناوەڕاستی گەرمیان بونی دەبێت، هەر لە کاتەکانی شەودا کاریگەرییەکانی ئەو شەپۆلە بە رێژەیەکی مامناوەند سنوری پارێزگای سلێمانی و هەڵەبجە و کەرکوک دەگرێتەوە.

چی تر: شەپۆلەکە بە رێژەیەکی لاوازیش سنوری پارێزگای هەولێر و ئیدارەی راپەڕین و دهۆکیش دەگرێتەوە و تا نیوەڕۆی رۆژی شەممە لوتکەی بەهێزی حاڵەتەکە دەبێت و پاشان رو لە لاوازی دەکات.

ئەمەش بزانە: رۆژانی شەممە، یەکشەممە و دوشەممە بە شێوەی دروستبونی تاوە بارانی جیاجیا هەورە بروسکەی ناوخۆی ناجێگری کەش بە لاوازی بەردەوامی دەبێت لە کات و شوێنی جیاوازدا، بە تایبەت لە ناوچەکانی باشوری هەرێم.