دکتۆر پشدەر عبداڵڵە ئیسماعیل، پزیشکی پسپۆڕی نەخۆشیەکانی منداڵان، خاوەنی بۆرد(دکتۆرا) لە نەخۆشیەکانی منداڵان و تازە لەدایک بووان، بەکالۆریۆس لەپزیشکی هەناوی و نەشتەرگەری گشتیدا، لە پەڕەی تایبەتی خۆی هۆشداری دەدات بە دایکان کە چیدیکە جپسی پەتاتە نەدەن بە منداڵەکانیان لەبەر کۆمەڵێک هۆکار ئەوانیش:

یەکەم- قەڵەوی و کێش زیادی : بڕێکی زۆر چەوری و ووزەی تێدایە کە مەترسی تووشبوون بە نەخۆشیەکانی شەکرەو دڵ زیاد دەکات.

دووەم- بڕێکی زۆر خوێی سۆدیۆمی تێدایە کە مەترسی تووشبوون بە بەرزبوونەوەی فشاری خوێن زیاد دەکات بەمەش ئەگەری لەکارکەوتنی گورچیلەو جەڵتەی مێشک زیاد ئەکات.

سێیەم-  بڕێکی زۆر لە چەوری جۆری خراپەکەی تێدایە کە تووشبوون بە نەخۆشیەکانی دڵ زیاد ئەکات.

چوارەم- هۆکارێکە بۆ کلۆربوونی ددانەکان .

پێنجەم-  بڕێکی زۆر چەوری زەیتی خراپی تێدایە و پێکهاتەی جپس کەمترین ماددەی سوودبەخشی بۆ گەشەی منداڵەکە تێدایە.

شەشەم- هۆکارێکە بۆ ئەوەی منداڵەکە هەمیشە هەست بە برسیەتی بکات و داوای جپسی تر بکات چونکە بڕێکی زۆر کاربۆهیدرات و نیشاستەی تێدایە کە دەبێتە هۆی ناڕێکی لە ئاستی شەکری گلوکۆزو هۆڕمۆنی ئەنسۆلین.

حەوتەم- چالاکی مێشکی منداڵەکە زیاد ئەکات بۆیە دەبێتە هۆی جوڵەیەکی زۆری ئیزعاج کەر لە سرووشتی منداڵەکە.

هەشت- لە ئەنجامی پڕۆسەی درووستکردنی جپسی پەتاتەکە ماددەیەک درووست دەبێت کە پێی دەووترێت(acrylamide) کە هۆکارێکی مەترسیدارە بۆ تووشبوون بە نەخۆشی شێرپەنجە.

نۆ- خواردنی جپسی پەتاتەی زۆر هۆکارێکە بۆ تووشبون بە ووشک بوونەوەی منداڵ.

دەیەم- بۆ ژنی سکپڕ مەترسی لەسەر ژیانی کۆرپەکە درووست دەکات و لەوانەیە ببێتە هۆی مردنی کۆرپەکەی.