حەوت شاری عێراق لە لیستی ١٥ گەرمترین شارەکانی جیهان تۆمارکران.
سایتی بلاسیرفیڵی ئەمریکی بڵاویکردووەتەوە، ١٥ شاری جیهان ریزبەندی گەرمترینی شارەکانیان گرتووە کە زۆرترینیان لە عێراق و کوەیتن.
بە گوێرەی ئەو داتایانەی سایتە ئەمریکییەکە بڵاویکردووەتەوە، لەماوەی ٢٤ کاتژمێری رابردوودا، شاری سەبەریای کوەیت بە تۆمارکردنی ٤٧،٦پلەی سەدی بووەتە گەرمترین شاری جیهان و دوای ئەویش بە تۆمارکردنی ٤٦،٦پلەی سەدی کەربەلا بووەتە دووەمین گەرمترین شارەکانی جیهان.
جێگەی ئاماژەیە هەریەکە لە شارەکانی(بەغداد، بەسرە، دیوانییە، عەزیزیە، سەماوە و ناسرییە) و چەند شارێکی دیکەی عێراق ریزبەندییەکانی دیکەی گەرمترین شارەکانی جیهانیان گرتووە.
