دوای چەند رۆژێک لە ناردنی پرۆژە یاسای بودجە بۆ پەرلەمان، ئەمڕۆ لەسەر داوای حکومەت جارێکی دیکە پرۆژە یاساکە گەڕێندرایەوە.
رێبوار کەریم مەحمود، پەرلەمانتاری کورد، لە پەرلەمانی عێراق بە BMC راگەیاند، لە کۆبوونەوەی چەند رۆژی رابردووی سێ سەرۆکایەتییەکەی عێراق، وایان پێباش بوو حکومەت پێداچوونەوەیەکی دیکە بە پرۆژەیاسای بودجەی ٢٠٢٠دا بکرێت.
روونیشیکردەوە، لەسەر داوای حکومەت و لیژەی دارایی پەرلەمان ئەمڕۆ پرۆژەکە گەرێندرایەوە و بڕیارە دوای پێداچوونەوە جارێکی دیکە بهێنرێتەوە پەرلەمان.