Alternate Text

زۆرترین بینراو

Alternate Text

پیاوێک بەهۆی کوشتنی سێ منداڵەکەیەوە دەستگیرکرا

عێراق

پێش 4 هەفتە

Alternate Text

وەزارەتی ناوخۆی عێراق ئاشکرایکرد، بەرەبەیانی ئەمڕۆ لە پارێزگای میسان لە باشوری عێراق پیاوێک بە تۆمەتی خنکاندنی سێ منداڵەکەیەوە دەستگیرکرا.
ئەمڕۆ سێشەممە، ٩ی شوباتی ٢٠٢١، وەزارەتی ناوخۆی عێراق لە راگەیاندراوێکدا بڵاویکردووەتەوە:"لە ئەنجامی کێشەیەکی خێزانیدا لە قەزای "قەڵای ساڵح"ی سەر بە پارێزگای میسان بەرەبەیانی ئەمڕۆ پیاوێک لە ژێر کاریگەری بەکارهێنانی ماددە هۆشبەرەکاندا سێ منداڵەکەی خنکاند و بەهۆیەوە گیانیانلەدەستدا".
ئاماژە بەوەشکراوە:"منداڵەکان تەمەنیان پێنج، هەشت و نۆ ساڵان بووە، پاش ئەنجامدانی تاوانەکەش پیاوەکە لە ماڵەکەی هەڵهات و پاش یەک کاتژمێر لە راوەدوونانی لەلایەن هێزە ئەمنییەکانەوە دەستگیرکرا".
ئەوەشخراوەتەڕوو:" تۆمەتبارەکە لە لێکۆڵینەوە سەرەتاییەکان و لە بەرامبەر دادوەریش دانی بەوەداناوە کە لەژێر کاریگەری بەکارهێنانی ماددە هۆشبەرەکاندا ئەو تاوانەی ئەنجامداوە و سەرجەم رێکارە یاساییەکانی بەرامبەر دەگیرێتەبەر".

Copyright 2019 BMC TV. All right reserved

Designed and Developed by AVESTA GROUP