کەمێک پێش ئێستا، بەرهەم ساڵح، سەرۆک کۆماری عێراق یاسای بودجەی ٢٠٢١ی پەسەندکرد.
ئەمڕۆ پێنجشەممە ٨ی نیسان، سەرۆکایەتی کۆماری عێراق رایگەیاند:" ئەمڕۆ بەرهەم ساڵح، سەرۆک کۆماری عێراق واژووی لەسەر یاسای بودجەی ٢٠٢١ واژووکرد".
لە راگەیەندراوەکەشدا هاتووە:" سەرۆک کۆمار جەختی کردەوە لەسەر پەسەندکردنی یاساکە بە ئامانجی زامنکردنی پێداویستییە سەرەتاییەکانی گەلی عێراق، هەروەها پەسەندکردنی بودجە بێتە هۆی دابینکردنی مووچەی فەرمانبەران و خانەنشینان و خەرجییەکان، بەشێوەیەکیش بێت دادپەروەری کۆمەڵایەتی دەستەبەربکات".