ئەمڕۆ نرخی نەوت لە بازاڕەکانی جیهان بەرزبووەوە
و یەک بەرمیل نەوتی خاوی برێنت بە زیاتر لە ٦٥ دۆلار مامەڵەی پێوەکرا.
ئەمڕۆ هەینی، ٢٣ی نیسان، میدیا جیهانییەکان
بڵاویانکردووەتەوە:" بەهۆی زۆربوونی خواست لەسەر سووتەمەنییەکان نرخی نەوت لە
بازاڕەکانی جیهان بەرزبووەوە و یەک بەرمیل نەوتی خاوی برێنت بە ٦٥ دۆلار و ٧٢ سەنت
مامەڵەی پێوەکرا، نرخی یەک بەرمیل نەوتی خاوی ئەمریکی (تەکساس)یش بە ٦١ دۆلار و ٨٥
سەنت فرۆشرا".
سەرباری ئەوەی لەگەڵ بڵاوبوونەوەی ڤایرۆسی
کۆرۆنا نرخی نەوت لە بازاڕەکانی جیهان بە شێوەیەکی بەرچاو دابەزی و نرخی یەک
بەرمیل گەیشتە ٢٠ دۆلار، بەڵام لەسەرەتای ئەمساڵەوە نرخی نەوت بەرزبوونەوەیەکی
زۆری بەخۆیدا بینی و نرخی یەک بەرمیل ٧٠ دۆلاری تێپەڕاند.