سەرۆک وەزیرانی عێراق رایدەگەیەنێت، بەم نزیکانە بەشە بودجەی هەرێم رەوانە دەکەن.
مستەفا کازمی، سەرۆک وەزیرانی عێراق لە نوێترین چاوپێکەوتنیدا رایگەیاند:" پەیوەندییەکانی نێوان هەرێم و بەغداد بە دۆخی زێڕیندا تێدەپەڕێت بەهۆی ئەو متمانەیەی لەنێوان هەردوولادا هاتووەتە کایەوە".
باسیلەوەشکرد:"لەبارەی کێشەی ناوچە جێناکۆکەکانەوە، بڕیارە لەم هەفتەیەدا وەفدێک سەردانی هەرێم بکات بەمەبەستی چارەسەرکردنی ئەو کێشەیە، بۆ ئەوەی بتوانن ئەو گرێکوێرانەی کە ماون بکرێنەوە و متمانەی نێوان کورد و عەرەب بگەڕێتەوە".
ئاشکراشیکرد:"بەم نزیکانە بەشە بودجەی هەرێم رەوانە دەکەین".