ئەنجومەنی ئاسایشی کوردستان دەستگیرکردنی گروپێکی مەترسیداری سەر بە داعشی راگەیاند کە هەوڵی تەقاندنەوەی بینای پارێزگاری هەولێریان داوە.
ئەنجومەنی ئاسایشی هەرێمی کوردستان بڵاویکردووەتەوە:" گروپێکی تیرۆریستی سەر بە داعش لەلایەن دژە تیرۆری کوردستانەوە دەستگیرکراون کە هەوڵی چەندین کردەوەی تیرۆریستیان داوە".
یەکێک لە ئامانجەکانیان تەقاندنەوەی بینای پارێزگای هەولێر بووە
باسلەوەشکراوە:" گروپەکە ژمارەیان پێنج کەسبووە و لەسەرەتای ئەمساڵەوە لەلایەن ئەمنی گشتی رێکخراوی داعشەوە چالاک کراونەتەوە و یەکێک لە ئامانجەکانیان تەقاندنەوەی بینای پارێزگای هەولێر بووە".
ئەوەشخراوەتەروو:" ئەو پێنج کەسەی دەستگیرکراون ناویان " مازن دیب رەشید، عەبدولرەحمان عەلا عەبدولحسێن، مستەفا عەبدولناسر سادق، عومەر رەمزی سەعید و حەسان کەسار جاسم بووە".