بەرەی دیالۆگی
نیشتمانی كە هێزێكی سەربە پێكهاتەی سوننەكانە و ساڵح موتلەگ سەرۆكایەتی دەكات
رایگەیاند، بەشداری هەڵبژاردنە پێشوەختەکەی داهاتووی عێراق ناکەن.
ئەمڕۆ چوارشەممە ٢٨ی تەمموز، بەرەی
دیالۆگی نیشتیمانی لە راگەیەندراوێکدا
ئاماژەی بەوەکرد:" راستییەک هەیە كە میللەتی عێراق بە باشی هەستی پێدەكات، ئەویش ئەو دۆخە خراپەیە كە
وڵات پێی گەیشتووە".
لە هیچ بازنەیەكی هەڵبژاردن كاندید پێشكەش ناکەین
راشیگەیاند:" لە ئێستادا ژینگەیەكی
ئارام بوونی نییە بۆ سازدانی هەڵبژاردنی پێشوەختە لەپاڵ بوونی چەکی بێ خاوەندا، ئەمانە
وادەكەن هەڵبژاردن کاریگەری نەبێت و گۆڕانکاری دروست نەكات، بۆیە ئێمە بەشداری لەم
هەڵبژاردنە پێشوەختەی عێراقدا ناکەین و لە هیچ بازنەیەكی هەڵبژاردن كاندید پێشكەش
ناکەین".